01
Zer
Da
Hizkuntza berrikuntzako laborategia. Globalizazioak, digitalizazioak eta abiadurak ezaugarritutako garaiotan, Badalab hizkuntza berrikuntzako laborategiak nahi du izan ez-ohiko ekosistema baten katalizatzaile, hark elika dezan 2073 urtean euskaratik, eta euskaraz ere, bizitzeko hautua egingo duen hiztun komunitatea.
ZERGATIK
Asko eta oso azkar aldatzen delako mundua, joko arauak etengabe eta oso modu sakonean aldatzen direlako, hegemonikoa ez den hizkuntza batek aurrera egin nahi badu, etengabe aritu behar duelako biziraupenerako estrategiak egokitzen eta asmatzen.
NOLA
Bere laborategi izaeratik egingo du ekarpena, galderak eginez, ez-ohiko lankidetzak probokatuz, eta hauen zerbitzura jarriz espazioak, tresnak eta esperientziak. Hizkuntza ezagutza, praktika eta ideologia aldi berean eta elkar loturik landuko dituzten proposamenak egingo ditu.
02
LEMA
TRANSmisioa, TRANSizioa, TRANSgresioa. Irtenbidea kolektiboa da.
Horixe 2025 urteko jarduna gidatuko duen lema.
- TRANSmisioa. Hiru adierazpide desberdin ulertzen dizkiogu kontzeptu honi. Batetik, nora goazen irudikatzeko, nondik gatozen eta non gauden kolektiboki eraikitzeko eta kontatzeko ekintzari dagokio. Bestetik, dagokio sare kolektiboetan nodo desberdinen arteko energia fluxuari edota harremanari. Azkenik, lekualdatzearen logikatik, bestelako sektore edota esparruetako ekimenak eta jakintzak euskararen auzira ekartzeko ariketari dagokiona.
- TRANSizioa. Hor gaudelako. Ez han ez hemen. Zaharraren eraldaketan, berria jaio nahian. Hizkuntza ohituren aldaketak edota hizkuntza ikasketa prozesuak horixe direlako, prozesuak, eta horiei begiratuko diegu, horietan eragingo dugu. Komunitate askotarikoen eraikuntza denborak ere egongo dira laborategiaren fokuan.
- TRANSgresioa. Laborategiaren izaerari, irudimenari estuki lotuta. Ohiko bideetatik irteteko edota ohiko egiteko moduak eraldatzeko sortu zelako Badalab.
- Irtenbidea KOLEKTIBOA da. Guztiaren oinarrian kolektibotasuna, ez-ohiko lankidetzak eta komunitategintza dagoelako.
02
LAN ESPARRUAK
“Etorkisuneku”:
Egungo testuinguruan, erraza zaigu hizkuntzaren desagerpena irudikatzea. Ez hain erreza, ordea, komunitate eta hizkuntza biziak etortzeko dauden agertokietan kokatzea.
Etorkizuneko teorietatik abiatuta, espazio seguruak zainduz eta dinamizatuz, eta askotariko arte disziplinak lanabes hartuta, euskaratik, eta euskaraz ere, bizi den hiztun komunitatea 2073 urtean irudikatu nahi dugu, ez hainbeste jomuga gisa, oraina arrakalatzeko baliabide gisa baizik.
Pentsamendua eta pedagogia. Euskarak eta hiztun komunitateak egun bizi duten testuingurua eta horrek irekitzen dituen paradigma desberdinak auzitan jartzeari deitzen diogu pentsamendu, pedagogia, sentsibilizazio edota kontzientzia hartzea.
Laborategiak.
Bertan ekintzak hartzen du nagusitasuna. Abiapuntuko hipotesi bat ahalik eta azkarren eta baliabide gutxienarekin probatzeko, ikasketak ateratzeko eta kasuan kasuko ondorioak eta aurrerabideak lantzeko.
Gaur egun, lan ildo bakoitzak badu bere laborategi propioa martxan.
03 GOBERNANTZA
PARTZUERGOA
Badalab Hizkuntza Berrikuntzako partzuergoa 2021ean eratu zen, euskararen hainbat erakunde publiko, eragile sozial eta bidelagun barne hartzen zituela. Puntu horretara iristeko beharrezkoa izan zen paraleloan eta igurtzi gutxirekin garatzen ari ziren bi ibilbide elkartzea:
- Euskalgintzaren Palankak izeneko deliberazio prozesu publiko-soziala eta,
- Gipuzkoako Foru Aldundiaren Etorkizuna Eraikiz (EE) izeneko berrikuntza ekimena.
Lehen prozesuak 2018rako emana zuen ondorio argia: euskara biziberritzeko beharrezkoa zen berrikuntza sistematikoki landuko zuen erreferentzia zentro egonkor bat. Bere aldetik, Etorkizuna Eraikiz esperimentatzeko erreferentzia zentroak sortzen hasia zen, lankidetzazko gobernantza ardatz hartuta.
Bi urteko lan sendoaren ondoren, 2021eko uztailean eratu zen Badalab, partzuergo misto gisa eta GFAri atxikia, Etorkizuna Eraikizen baitako erreferentzia zentro bezala. Lankidetza publiko-sozialetik sortua eta gobernantza partekatua eraikiz.
Estatutuen arabera, Gobernu Batzordeak hamabost kide ditu:
- GFAk lau izendatzeko eskubidea du.
- Erakunde publikoei dagokien bosgarrena Errenteriako Udalaren ordezkaria da.
- Beste bost kide eragile sozialek izendatzen dituzte.
- Azken bostak bidelagunak dira.
Partzuergoa eratu zuten kideak hauek dira:
- Gipuzkoako Foru Aldundia
- Errenteriako Udala
- Soziolinguistika Klusterra
- Euskalgintzaren Kontseilua
- Langune
- ArantzazuLab laborategia
- Euskal Herriko Unibertsitatea
- Euskal Irrati Telebista
- Euskaltzaindia
Eta Gobernu Batzordeko kide dira, aurrekoez gain:
- Eusko Jaurlaritzako Hizkuntza Politikarako Sailburuordetza
- Ikastolen Elkartea
- Elhuyar
- Aek
Gobernantza partekatu honek erantzuten dio Badalabek bere egin duen konbentzimendu sendo bati: gizartearen ekimena eta erakundeen ahalmena uztartuta bakarrik izango du euskal komunitateak herri garapenerako aukera.
04 TALDEA
Goiatz
Oiartzabal
Lakarra
Zuzendari Nagusia
Izaro
Arruti
Agirreurreta
Berrikuntza Eragilea
Leire
Palacios
Egiguren
Berrikuntza Eragilea
Orbitan metodologia berritzaileetan eragileak, ingurune digitaleko adituak, ikertzaileak, kultur eragileak, disziplina anitzetako sortzaileak, diseinatzaileak, kazetariak, gidoilariak, ikus-entzunezkoetan arituak eta ideiak bor-bor dituzten lagunak.
